ខ្ញុំអ្នកអាយធី | ជំនាញគ្មានពីរ | មិនលលួចលាក់ |
ថ្ងៃមុនភ្ញៀវជេរ | លោកមេដេញធាក់ | ធ្វើមើលមិនជាក់ |
ភ្លេចដោតដាក់ RAM ។ | ||
DEL, TOSHIBA | ASUS ត្រៀបត្រា | APPLE ក៏ផ្អែម |
ជំនាញខាងឈូស | រើរុះថយថែម | ធ្វើហើយបិទតែម |
ទុកលក់អេតចាយ។ | ||
ធ្វើការបីខែ | មេសរសើរដែរ | ដល់ថ្នាក់ដាច់បាយ |
ព្រោះកាត់កងអស់ | របស់ទាំងឡាយ | គិតបានវែងឆ្ងាយ |
ជាបទពិសោធន៍។ | ||
ថាដូចអួតណាស់ | ដៃមឹករហ័ស | អ្នកណាមិនកោត |
Typing មួយភាំង | ជួនគាំងគួរក្រោធ | ដកដោតៗ |
Keyboard ហ៊ុយផ្សែង។ | ||
គម្រោងថ្ងៃមុខ | ខំរៀបចំទុក | មិនចង់ថ្លាថ្លែង |
អ្នកខ្លះធ្វើការ | ឲ្យគេគ្មានល្អែង | ខ្ញុំបើកកន្លែង |
បញ្ចូលបទភ្លេង។ | ||
ឲ្យតែយ៉ាងហ្នឹង | សូមកុំសញ្ជឹង | ឃើញខ្ញុំវង្វេង |
មានសង្សារមួយ | នាងជួយជ្រោមជ្រែង | ថ្ងៃមុខច្បាស់គេង |
ស៊ីអំបិលហើយ៕ | ||
និពន្ធដោយ៖ កើយ ចិត្រា |
9 ឧសភា
Posted by kimchantrea on ខែឧសភា 23, 2012 at 8:47 ព្រឹក
សុំសរសើរៗ ពិតជាជូរជត់មែន
Posted by khmerson on ខែកុម្ភៈ 10, 2014 at 7:10 ល្ងាច
បាទអរគុណ
Posted by Koeuy Chetra on ខែឧសភា 27, 2012 at 6:27 ល្ងាច
បាទអរគុណច្រើន សម្រាប់ការគាំទ្រ!
Posted by Samnang Nouv on ខែមិថុនា 22, 2012 at 7:05 ព្រឹក
ឡូយណាស់ 😀
Posted by khmerson on ខែមិថុនា 22, 2012 at 9:26 ព្រឹក
បាទអរគុណច្រើន 😀
Posted by បេប៊ី on ខែមិថុនា 29, 2012 at 12:55 ព្រឹក
ដូចជាបាត់ឈឹង មិនឃើញចឹង ប្រហែលជាប់រវល់ខ្លាំងហើយមើលទៅ !
Posted by khmerson on ខែកក្កដា 2, 2012 at 6:59 ល្ងាច
បាទមកវិញហើយ! 😀 ឆ្នាំនេះឆ្នាំបញ្ចប់បរិញ្ញា ដូចនេះមមាញឹកណាស់ មិនសូវមានពេលតែងកំណាព្យទេ តែចេះតែឆ្លៀតតិចៗ ពេលអផ្សុក។
Posted by Von Sameay on ខែធ្នូ 25, 2015 at 4:41 ព្រឹក
កុំគិតបែបនោះវាមិនត្រូវទេ មាននាក់ធ្វើការផ្នែក IT ច្រើនណាស់ដែលទទួលបានប្រាក់ខែខ្ពស់
ចាប់ពី 350$ ទៅដល់ 3000$ ។ នាក់ត្រូវតែតស៊ូ ទើបបានសម្រេច