Posts Tagged ‘កំណាព្យ’

តាមផ្លូវទៅរៀន

កាលខ្ញុំទៅរៀនខ្ញុំគ្មានប្រាក់ចាយ ខ្ញុំក្រខ្វះបាយក្រហាយជីវិត
រសាត់ក្រោមមេឃស៊ីវិល័យពិត ថ្ងៃល្ហែខែល្ហិតគិតគ្រប់នាទី។
ភ្លើងភ្លឺភ្លិបភ្លេតខ្ញុំប្លែកអារម្មណ៍ តន្ត្រីរណ្ដំរងំវក់វី
ខ្ញុំឃើញក្មេងៗហ៊ឺហាផឹកស៊ី មានឈ្មោលមានញីកៀកគូច្រៀងរាំ។
មកដល់ភ្លើងស្តុបខ្ញុំស្លុតស្មារតី ឃើញក្មេងប្រុសស្រីដេកដីភក់ជ្រាំ
ខ្លះស្ពាយប្អូនតូចហាក់ដូចមាំទាំ លើកដៃប្រណមសុំលុយងោចៗ។
ឆ្លងឆ្នាំទៅមុខស្រុកខ្ញុំយ៉ាងណា? ស្រណោះពើតផ្សាដូចខែរនោច
ចិន្ដាអួលណែនសែនញ័ររំញោច បេះដូងរោលខ្លោចខ្លាចជាតិលិចលង់៕
អ្នកនិពន្ធ៖ កើយ ចិត្រា
Download image
%d bloggers like this: