បែកគ្នាអូនកុំយំ | សូមស្រីមុំកាត់ចិន្ដា |
ជួបគ្នាត្រឹមសង្សារ | ល្បែងស្នេហាចប់ត្រឹមហ្នឹង។ |
បែកគ្នាអូនកុំយំ | ទុក្ខទូលភ្នំពុំអាចថ្លឹង |
ត្រូវធ្វើចិត្តរឹងប៉ឹង | អូនត្រូវប្រឹងបំភ្លេចបង។ |
បែកគ្នាអូនកុំយំ | ទុក្ខរងំរែងសៅហ្មង |
ឈប់គិតរឿងកន្លង | បន្តិចម្ដងណាចរណៃ។ |
បែកគ្នាអូនកុំយំ | អូនក៏ធំដឹងហើយថ្លៃ |
ឈប់នឹកឈប់ស្រមៃ | គង់មានថ្ងៃស្រីធ្វើបាន។ |
បែកគ្នាអូនកុំយំ | នាំរោគរុំរឹតខ្លួនប្រាណ |
រឿងស្នេហ៍ប្រែខកខាន | វាសនាច្រានឲ្យកំព្រា។ |
បែកគ្នាអូនកុំយំ | អូនត្រូវឃុំចិត្តពុំងា |
ធ្លាក់ខ្យល់ខែរងា | លែងមានគ្នាដូចមុនហើយ។ |
បែកគ្នាអូនកុំយំ | ស្ដាប់ចាស់ទុំក្រែងបានស្បើយ |
រឿងស្នេហ៍គ្មានកោះត្រើយ | សល់ចម្លើយត្រឹមខ្លោចផ្សា។ |
បែកគ្នាអូនកុំយំ | ចិត្តស្រទំណែនឱរា |
ថែខ្លួនស្ងួនឧស្សាហ៍ | ហាត់កីឡាកិច្ចការផ្ទះ។ |
បែកគ្នាអូនកុំយំ | ភ្លេងប្រគំផ្គុំសំពះ |
ធ្វើចិត្តឲ្យមានព្រះ | កុំមានះធ្វើបាបខ្លួន។ |
បែកគ្នាអូនកុំយំ | ឲ្យបងសុំអភ័យស្ងួន |
ជាតិនេះខានជួបចួន | សុំថែថួនស្ងួនជាតិមុខ៕ |
អ្នកនិពន្ធ៖ កើយ ចិត្រា |
18 សីហា